home الرئيسيةpeople_outline الأعضاء vpn_key دخول
chatالمواضيع الأخيرة

طريقة عرض الأقسام

لونك المفضل

حماتك كارت ولا خط؟


الست مفيدة
مشاركة
إنهاردة أنا هاتكلم مع البنات اللي هايتخطبوا و البنات المخطوبين..صباح الخير يا آنسات..طبعاً كتير أوي أتكلم معاكو عن إزاي تنجحي جوازتك صح؟

إنهاردة بقي أنا هاقولك علي ٥ شروط لتحصلي علي جوازة ناجحة

١-حاولي بقدر الإمكان أن تختاري شاب يكون (سمعة تقيل) و ياريت يكون (أطرش) عشان بس ميفضلش يسمع كلام أمة و يجي يقرفك و يطلع عينك

٢-حاولي بقدر الإمكان أن تختاري شاب تكون أمة كارت مش خط…لإنها لو خط هاتشوفي أيام سودا…كل دقيقة هتكلمة و إنتي في الآخر اللي هتتخنقي و تطقي…فأسمعي كلامي و دوري علي واحد أمة كارت و ياريت لو تكون معندهاش موبايل أصلاً هيبقي أفضل

٣-يجب أن يكون بيت الزوجية علي بعد ٣ قارات عن بيت حماتك

٤- ياريت تختاري زوج يكون يتيم الأب و الأم و ملهوش أخوات بنات…يعني من الآخر مقطوع من شجرة

٤-بالنسبة للنصايح اللي الناس بتقولهالك بتاعة (إزاي تكسبي حماتك) فكك منها خالص لإنك مهما عملتي هتفضلي بنت البطة السودا

٥-طبعاً بالنسبة للتجهيزات بتاعة الجواز فا فكك خالص من الكيرياتين و الماسكات و الصبغات….إنتي عشان تفوزي بجوازة ناجحة لازم تروحي لأي مستشفي و تخليهم يعموكي و يطرشوكي و ياسلام لو يخرسوكي…و ساعتها أضمنلك حياة سعيدة
مع تمنياتي لكم بحياة لذيذة رجاء خاص الغير مخطوبة تتبع التعليمات السابقة للحصول علي جوازة ناجحة…و الأستاذة المخطوبة لو خطيبها مش متوافر فية الشروط دية تتفضل تسيبة

و لو حصل و المخطوبة عملت نفسها كيوت و قالت عليا إني بأڤور و نفضت لنصايحي الذهبية السابقة و عملت فيها ست الحسن و الجمال و قالت (لأ أنا باحب أمة) أحب أقولها طيب ألبسي عشان (أمة) هاتفسحك و هاتروقك
ملحوظة: طبعاً الموضوع غرضة السخرية و نقد الحما الفاتنة اللي مبتعملش حاجة في حياتها غير إنها تأرف مرات إبنها..أنا قلت نيتي أهو (أنا فقط بتريق عالحماوات المزعجة مبقولش لحد يسيب خطيبة ولا حاجة أنا بنقد الموضوع بطريقة ساخرة) عشان بس الجماعة بتوع المؤامرات و الحوارات و التحريض



المصدر :

http://www.onmasr.com



بنوتة


نتشرف بزيارتكم في منتدنا ومدونة الطبخ الأحترافي علي جوجل( طبخ الست مفيدة )
وشاهدوا احلي وصفات ونصائح الدبير المنزلي والعناية والجمال علي
قناة الست مفيدة علي اليوتيوب وكون اول المشتركين بالقناة ودوس علي الجرس يصلكم
اشعارات القناة
مع السلامة

تعاليق

أميرة القصر
أميرة القصر
هههههههههههههه حلوه
تسلمى مفيدة
في الخميس مايو 22, 2014 1:50 pm
ام عماد
ام عماد
هههههههههه
هههههههههههههههه
وانا الي داخلة اشوف نصايح للبنات والحموات
على شان قربت اصبح حماة هههههههههه
فصلتيني من الضحك مدام مفيدة
في الخميس مايو 22, 2014 4:36 pm
ام يوسف
ام يوسف
ههههههههههههههههههههههههههههههههه
انا حماتى كرت يا مفيدة
مبروك ام عماد هتكونى حمه ويترى هتعملى زى الحموات الفاتنات ههههههههههه
في الخميس مايو 22, 2014 5:07 pm
الست مفيدة
الست مفيدة
ههههههههههه ام يوسف انتى فراحانه فى ام عماد
بكرة تكونى حمه ونشوف هتعملى اه
في الثلاثاء يونيو 03, 2014 6:13 pm
شوشه
شوشه
ههههههههههههههههههههه
في السبت يونيو 21, 2014 1:45 pm
ارسال رد

هــــــام

ندعوك للتسجيل في المنتدى لتتمكن من ترك رد أو تسجيل الدخول اذا كنت من اسرة المنتدى

صلاحيات هذا المنتدى:
لاتستطيع الرد على المواضيع في هذا المنتدى