home الرئيسيةpeople_outline الأعضاء vpn_key دخول
chatالمواضيع الأخيرة

طريقة عرض الأقسام

لونك المفضل

المتزوج.. "راجل" سعيد رائحته شاور جيل "بالخوخ"!


الست مفيدة
مشاركة
رغم أن المقولة الشائعة إن الزوج يفقد حريته بمجرد دخوله إلى "قفص الزوجية"، إلا أن الحقيقة عكس ذلك تماما.. حيث إن هناك العديد من الفوائد والمميزات الكثيرة التي يحصل عليها، بمجرد حصوله على لقب "زوج".

أيها الأزواج في حاجات مش هتعرفوا قيمتها غير وأنتم متجوزين.

أنك تبقى قاعد بتشرب كباية شاي وتلاقيها عاملة نسكافيه لنفسها فتروح واخده منها وتشرب الاثنين، وتقولك بألف هنا يا حبيبي وتعمل واحد تاني..
لما تحلق ذقنك تلاقي حد يرشلك "أفتر شيف"..
قلمك "اليوني بول" الأسود مش هيضيع كل ربع ساعة..
دايمًا في "شاور جيل" ريحته حلوة في الحمام.
هتلاقي حد تديله شراباتك القديمة.. المرة الوحيدة اللي هتحس بنشوة النصر في كل الألعاب ابتداءً من الكوتشينة والطاولة والشطرنج مرورًا بخبط الكورة في الحيطة بمهارة.. وطبعا هتطبق كل حركات الأستاذ ممدوح فرج في المصارعة عليها؛ "الدي دي تي" و"السوفلكس" و"التروكي".

"هتلاقي حد يطبلك ويمجد فيك"، لأن زوجتك لما تحبك وتطبلك هتحس أنك أجدع من "يوليوس قيصر".. مش هتعوز حاجة تانية في الدنيا.. مش هيهمك اللي بيكسر عليك وأنت بتسوق عربيتك.. أو اللي بيكرهك في الشغل أو المرتب المتأخر.

سندوتش الجبنة في الفطار هيجيلك أربع تربع على طبق ومعاه قطعتين زيتون وشرايح خيار وفنجان قهوة بوش - مش رغيف تأكله وأنت قاعد في الثلاجة زي كلب البحر-.

هتلاقي حد تعمل فيه مقالب وتخوفه وتستمتع وهو بيتحامى فيك.. يعني كل مرة "هتسقف جامد" وهي بتحط فيشة السخان، فتتفزع وتفتكر أن في ماس كهربائي، وتفضل تشتم فيك وأنت عمال تضحك زي الأهبل في الصالة.

لما فجأة تسمع صويت في المطبخ تجري عليها، تلاقيها واقفة في ركن المطبخ خايفة من خنفسة على الحيطة.. فتمسك "الشبشب" كأنك "هانيبال الأفريقي" الذي قضى على جيوش الرومان، وتقضي على الخنفسة بضربة واحدة، فتشكرك بامتنان، فتحس أنك قمت بانتصار يفوق "سقنن رع" في مواجهة "الهكسوس" أو أنك "رمسيس الثاني" في معركة "قادش".

ولا تنسى كل ما تبدأ زوجتك في الـ"دايت" تروح تشتري نص دستة جاتوه من "مونجيني" وتقعدوا تحتفلوا بالدايت سوا .. وليحيا الكرش.. وتقولها يا حبيبتي شكلك كدة حلو.. دايت أيه .. الست المصرية الرقيقة لازم تكون عريضة المنكبين واسعة المجانص وعندها رباط صليبي.
كل هذا بالطبع بالإضافة للحصول على طعام جديد يوميا، وأنك تصحى تلاقي هدومك نظيفة ومكوية، وأنك تلاقي حد يقعد جنبك وأنت عيان ويحافظلك على  مواعيد أدويتك، و أنك تلاقي حد يونسك وياخد بحسك في البيت – بدل ما تقعد لوحدك زي قرد قطع - و….. الخ. .

مقال من الدستور شكرا للمرور


نتشرف بزيارتكم في منتدنا ومدونة الطبخ الأحترافي علي جوجل( طبخ الست مفيدة )
وشاهدوا احلي وصفات ونصائح الدبير المنزلي والعناية والجمال علي
قناة الست مفيدة علي اليوتيوب وكون اول المشتركين بالقناة ودوس علي الجرس يصلكم
اشعارات القناة
مع السلامة

تعاليق

ام عماد
ام عماد
روعه 
في الأحد مارس 09, 2014 8:31 pm
الست مفيدة
الست مفيدة
اهلا ام عماد نورتى حبيبتى
في الإثنين مارس 10, 2014 11:06 am
ارسال رد

هــــــام

ندعوك للتسجيل في المنتدى لتتمكن من ترك رد أو تسجيل الدخول اذا كنت من اسرة المنتدى

صلاحيات هذا المنتدى:
لاتستطيع الرد على المواضيع في هذا المنتدى