home الرئيسيةpeople_outline الأعضاء vpn_key دخول
chatالمواضيع الأخيرة

طريقة عرض الأقسام

لونك المفضل

اضرار الولاده القيصرى ....اللتى يخفيها الاطباء


أميرة القصر
مشاركة
السلام عليكم ورحمة الله وبركاته
مادفعنى لكتابة الموضوع هو لجوء الكثير من السيدات للولاده القيصرى فى اول بيبى بدون داعى او ضروره
والموضوع ده زعلنى قوى لانى بعانى من ولادتى القيصريه الان وفى قلق وخوف شديد
بس فى الاول احب اقولكم انى اضطررت للولاده القيصريه فى طفلى الاول اضطرارا وكان لامفر منها
فبطنى يوم الولاده كانت مرتفعه جدا ((تحت الصدر )) بالرغم من نزول العلامه والطلق الا ان الرحم اغلق خااالص وعنقه تورم من شدة الطلق
وعانيت من الطلق من بداية اليوم 17 من الشهر فجرا الى نهاية اليوم 18 ودخلت العمليات الساعه 11 فى المساء
والحمد لله على كل حال
وطبعا ولدت التانى برضوا قيصرى
نيجى بقى للمشكله اللى بعانى منها دلوقتى وانا حامل ((الحمد لله )) فى الشهر الخامس
وهى ((المشيمه المتقدمه))
وعملت سيرش عليها فى الجوجل وشوفت فديوهات على اليوتيوب
وعرفت ان المشيمه بتستقر عند مكان الجرح ((الخياطه القيصرى)) فى الرحم لان الجزء ده بيبقى خشن
اخشن من باقى اجزاء الرحم الداخليه
وبالتالى المشيمه بتعمل اوعيه دمويه بنها وبين جدار الرحم
فى احيان كتير ربنا بيستر وبترتفع فى الشهر السابع
واحيانا لاء
وهنا تكمن الخطوره فمع كبر حجم الرحم تبتدى تتمدد الاوعيه الدمويه بين المشيمه والرحم ويبتدى ينزل دم
طبعا انا مش عاوزه اخوف حد بس للاسف قد تؤدى الى فقدان الام للرحم او الى الموت
وفيه هنا فى المنتدى قصه لاحدى الاخوات فقدت طفلها والرحم وكادت تموت لولا رحمة ربنا
وكان عندها المشيمه متقدمه وعملت اوعيه دمويه اخترقت بيها جدار الرحم والمثانه
وحصلها نزيف فى الرحم والمثانه وربنا لطف بيها الحمد لله وكتبلها الحياه
انا والله مش بخوف حد بس ياريت القيصرى يبقى للضروره فقط بلاش حكاية الاستسهال بتاعت الايام دى
واحتسبى الالام الولاده عند ربنا
انا كتبت كل اللى عرفتوا يابنات والموضوع ده مقصود بيه وجه الله (( الدين نصيحه))
ياريت تقيمونى علشان يتثبت والكل يستفيد
وادعولى ربنا يسترها معايا ويتم حملى على خير والمشيمه ترتفع عندى
استودعكم الله


منقول

تعاليق

كريمه
كريمه
بس دلوك كل النساء تقريباً تلد قيصرى
في الإثنين أكتوبر 28, 2013 12:52 pm
um shaima
um shaima
الولاده الطبيعه أكيد أحسن
موضوع مميز ومهم شكرا لك
في الإثنين أكتوبر 28, 2013 2:04 pm
أم جنى
أم جنى
جزااااااااااااااااااااااااكى الله خيرااااااااااااااااا وسيبها لله
في الثلاثاء أكتوبر 29, 2013 10:37 am
ارسال رد

هــــــام

ندعوك للتسجيل في المنتدى لتتمكن من ترك رد أو تسجيل الدخول اذا كنت من اسرة المنتدى

صلاحيات هذا المنتدى:
لاتستطيع الرد على المواضيع في هذا المنتدى