home الرئيسيةpeople_outline الأعضاء vpn_key دخول
chatالمواضيع الأخيرة
بعض أساسيات فن الخياطة بالصورaccess_timeالأحد سبتمبر 19, 2021 1:57 ampersonشيماء محسن
اطلب فني صيانة بكل سهولةaccess_timeالثلاثاء سبتمبر 07, 2021 12:18 pmpersonrania hammad
مكافحة حشرات بالرياضaccess_timeالثلاثاء سبتمبر 07, 2021 11:40 ampersonrania hammad

طريقة عرض الأقسام

لونك المفضل

تعليم قواعد الانجليزية للاولاد


باربى
مشاركة
[center]
تعليم قواعد الانجليزية للاولاد  BQO62756

Grammar
(grammar) يعنى القواعد بسهولة
وهى pronouns ومعناها الضمائر
ونبأنحفظ الطفل ان الضمائر سبعة
هاا الضمائر كام؟ سبعة
وهنقسم السبعة دول ل نرفع ايدينا الاتنين للطفل
ونطلع تلاتة ف ايد واربعة ف ايد تانية
يبقى قسمنا الضمائر لكام وكام؟ لتلاتة واربعة
نبأبالتلاتة وهنسميهم التلاتة الاصحاب علشان هما ف كل grammar بيكونوا مع بعض دايماطيب هم مين الثلاتة الاصحاب دول هما He -She-It
ونبدأنفهم الطفل معناهم
Heمعناها هو اسم مفرد مذكرعاقل غائب (يعنى مش موجود معانا زى مثلا بابا هو ولد ومفرد وهو دلوقتى مش معانا لان هو ف الشغل)
Sheمعناها هى اسم مفرد مؤنث عاقل غائب وندى للطفل بردو مثال من اهلة اللى هى هتكون مش موجودة
معناها هو او هى لغير العاقل المفرد(زى القطةاو الكرسى)
المهم افهم الطفل معناهم وهو يحفظ المعنى اللى بالخضر بس
وبعدين نراجع الضمائر كام؟سبعة
قسمناهم لكام وكام؟ تلاتة واربعة
التلاتة سميناهم اية؟ التلاتة الاصحاب
هم مين؟he -she-it
excellent
طيب تعلوا نحفظ الاربعة وهما I-You-We-They

Iمعناها انا وهشاور ايدى ع صدرى واطلب من الطفل يعمل زيى
واكررها تانى
Youمعناها انت واشاور على ابنى بصوبعى واخلى ابنى يشاور عليا واكرر من الاول تانى IواشاورYouواشاور وطبعا الطفل بيقلدنى
We معناها نحن واشور علينا كلناواراجع تانى
Theyمعناها هما واشور ايدى ورايا واراجع تانى مع الطفل
بس اخلى الطفل يشاور وبعدين اقول للطفل ما تقولش معناهم بالعربى انت بس شاور
علشان يكون عرف المعنى ونفس الوقت ما يتكلمش عربى


v.to Be

Iــــــــــــــــــــــــــــــــــــــــــــــــــ ــــــ am
He-she-it ـــــــــــــــــــــــــــــــــــــــــ is
You-we-they ــــــــــــــــــــــــــــــ are
علشان نعمل جملة ف اللغة الانجليزية لازم نبدأ بالضمير او الاسم يعنى مثلا اقول heاو اقول Ali
الاسم ممكن يكون اسم انسان او حيوان او اى شئ غير عاقل وكمان ممكن يكون مفرد او جمع
طيب وتانى حاجة بعد الاسم او الضمير نحط الفعل اللى هو v.to be am-is-are
Excellent
وبعد كدة نكمل باقى الجملة
Example مثال
he is a doc torمعناها هو يكون دكتور

She is a nurs


تكوين السؤال بمعنى هل ولازم الاول نعرف الطفل معنى كلمة هل
يعنى مثلا

هل انتى بنت
يعنى اى سؤال بمعنى هل اجابتة تكون نعم او لا
ونبدأ نحفظ الطفل الجملة دى
is ف اول السؤال بمعنى ؟هل واجابتها ؟yesاو No
areف اول السؤال بمعنى؟ هل واجابتها yesاو No

طيب السؤال يتكتب ازاى؟
نبدأ بالفعل الاول Isوبعدين الضميرheوبعدين باقى السؤال

?Is he adoctor
معناها اية السؤال دة ؟ هل يكون هو دكتور ؟
طيب علشان اجاوب احنا اتفقنا ان isف اول السؤال؟ هاااا بمعنى هل واجابتها؟ yes او No برافوووا
طيب اول حاجة هكتبها هى yes طيب وبعدين انزل الاول الضمير (هااا اية هى الضمائر؟) .....
طيب فية حاجة منهم موجودة هنا ايوة ؟he و
بعدين انزل الفعل اللى هو is وعلشان الطفل ما ينساهوش اقولة انزل الفعل ابوا راس كبيييرة
يعنى اللى موجود ف اول السؤال علشان كدة راسة كبيرة
وتكون الاجابة اهية yes,he is ولازم نعرف الطفل ان بعد yes او no لازم يجى ديلهم اللى هى الكوما comma (,)
علشان هتنفعوا بعد كدة ف حاجة اسمها علامات الترقيم
طيب لو الاجابة ب No هى هى هنكتب No وبعدين ديلها وبعدين انزل الضمير
هااا اجيب ضمير من الشارع ؟ لا طيب اجيب ضمير من الفصل اللى جمبينا؟ لا طيب اجيب ضمير من البيت اللى جمبينا ؟ لا هههههههههه اومال اجيب ضمير من ين ؟ اجيب الضمير اللى موجود ف السؤال صح كدة علشان
الطفل ما يحطش اى ضمير وخلاص هاا فاضل اية ؟ خلاص لااااااااا لسة لان No شقية وبتحب تنط(not)
يعنى الاجابة تكون كدة No, he is not
وأأكد ع الطفل ان No شقية وبتحب تنط ( not) لان كل الطفال بينسوا كلمة not
وع فكرة انا شرحت بالطريقة دى لان فية طريقة تانية الناس بتقول عليها اسهل وهى طريقة المقص واكيد كلكوا سمعتوا عنها
بس والله الطفل بيعمل مقص وبيجاوب صح من غير ما يكون فاهم حاجة هى خطوات حافظها علشان ينجح وبس
وطبعا احنا عوزين اولادنا فاهمين يعنى اية جملة ويعنى اية سؤال ف بالله عليكم ما حدش يقول لابنة المقص دة خالص واللى مش واضح له حاجة يقولى واقولها له تانى

منقول


تعليم قواعد الانجليزية للاولاد  2hz4nx1

تعاليق

avatar
مريم ام خالد
تعليم قواعد الانجليزية للاولاد  B02883b11e
السبت مايو 26, 2012 6:39 pm
ارسال رد

هــــــام

ندعوك للتسجيل في المنتدى لتتمكن من ترك رد أو تسجيل الدخول اذا كنت من اسرة المنتدى

صلاحيات هذا المنتدى:
لاتستطيع الرد على المواضيع في هذا المنتدى