منتدي الست مفيدة  :: المرأة والأسرة والطفل :: بريد القلب E-Heart

كاتب الموضوع dody x dina مشاهدة صفحة طباعة الموضوع  | أرسل هذا الموضوع إلى صديق  |  الاشتراك انشر الموضوع
شاطر
 المشاركة رقم: #
تم النشر فى :16 - 09 - 2012
dody x dina
مشرفة بريد القلب
مشرفة بريد القلب
تواصل معى
إحصائية العضو

تاريخ الميلاد : 22/07/1995
الجنس : انثى
الدولة : أحب مُجالسة البحر.. فـــــصوت أمواجه ..! أصدق من أحاديث بعض البشر
العمر : 23
العمل : طالبه ثانويه عامه
رقم العضوية : 104
تاريخ التسجيل : 20/08/2012
المزاج : الحمد لله على كل شئ
عدد المساهمات : 119
نقاط النشاط : 23956
موضوع: الحلقة السادسة عشر من قصة تحت سقف واحد

الحلقة السادسة عشر من قصة تحت سقف واحد
الحلقــــة 16
.
.
.
.
.
.

مرت الايام والشهور اللى بعد كده وياسر وشيرين عايشين فى سلام من غير الطوب اللى كانت بتحدفه شيرين فى وش ياسر
وكانت الساعات البسيطة اللى بتجمعهم فى البيت احلى اوقات حياتهم هما الاتنين... ولكن من غير ماحد فيهم يقول شعوره ده للتانى... وكمان محدش فيهم صارح نفسه بحقيقة شعوره او ربما تجاهلوا احساسهم ده واتحط فى اطار التعود او الاحتياج لوجود صديق فى الغربة... فاعتبروا نفسهم صديقين
كانت الاجازة قربت وكان فاضل اسبوع تقريبا ويرجعوا مصر فى اجازتهم السنوية... وبعد مانزل ياسر كالعادة الساعة 8 الا ربع بالليل بعدها بتقعد شيرين شوية تتفرج على التليفزيون او تحضر لاكل تانى يوم وحوالى الساعة 11 بتدخل تنام
وهى نايمة سمعت صوت خبط على الباب... كانت فى الاول مش عارفة الساعة كام؟؟ لما بصت فى الساعة لقيتها 12ونص بالليل... استغربت لانها مش متعودة ان حد يزورهم فى الوقت ده... مش متعودة ان حد يزورهم اصلا ... قامت تشوف مين وهى بتتسائل ياترى مين اللى ممكن ييجى دلوقتى
فتحت الباب لقيت جيهان مرات جلال والطفلتين وشنطة سفر
هى شافت جيهان خلال السنة اللى فاتت دى مرتين تلاتة مش اكتر وعلاقتها بيها تكاد تكون معدومة لانها مرات جلال وجلال طبعا مجرد سيرته بتثير اعصاب شيرين وياسر... جيهان شكلها معيطة .. فاستغربت شيرين


"ايه ده مالك؟ انتى كويسة وبناتك كويسين"

جيهان وهى بتعيط"احنا كويسين بس ممكن ابات عندك الليلة وامشى الصبح على طول"

"اه طبعا اتفضلى ... بس طمنينى مالك"


دخلت جيهان وقعدت فى اقرب مكان للباب وكانت شايلة بنت وماسكة التانية فى ايدها ودخلت الشنطة اللى معاها
وبعد ماعملت لها شيرين عصير ليمون


"اشربى ده واهدى وقوليلى مالك"

"انا مش عارفة اشكرك ازاى انك استضفتينى... بس انا معرفتش اروح فين بالليل كده.. وانتى المصرية الوحيدة فى العمارة وعارفة ان جوزك فى الشغل فقلت لو مايضايقكيش استنى عندك لحد الصبح قبل مااروح المطار وارجع مصر على اول طيارة"

"اهلا وسهلا بس ايه اللى خلاكى عايزة ترجعى بالسرعة دى ... انتى متخانقة مع جلال"


زاد بكائها وبالتالى بكاء الطفلتين وكل واحدة ماسكة فى جزء من هدوم مامتها... اخدت شيرين بنت وقعدتها جنبها وطبطبت عليها واخدت جيهان البنت التانية وقعدت تطبطب عليها لحد ماالبنات سكتوا وكملت جيهان


"جلال من يوم ماخلفت من سنة ونص وهو اتغير بقى مش طايقنى ولا طايق البنات ولا بيقعد فى البيت ساعة على بعض حتى لو نايم والبنات عيطوا يقوم يزعق ويبهدلنى وانا ساكتة... مش حاسس انا قد ايه تعبانة معاهم انا مبنامش ساعتين على بعض لو واحدة نامت التانية بتبقى صاحية ولو شايلة واحدة التانية بتعيط انا تعبت جدا وهو حتى مش بيقولى كلمة حلوة تخفف عنى بل بالعكس بيتهمنى بالاهمال وكأنى اجرمت انى خلفت توأم... هو بإيدى؟؟ كل ده وكنت ساكتة... انما بقى علاقاته وغرامياته دى اللى فاقت التحمل انا عارفة ان الناس بيتجنبونى بسبب بجاحته وقلة ذوقه... خلاص مش قادرة اتحمل اكتر من كده"


كانت شيرين بتسمع لها ومتأثرة جدا بحالها ولما خلصت الحكاية كانوا البنات ناموا


"طيب قومى ارتاحى ونيمى البنات والصباح رباح"


دخلتها فى اوضتها علشان السرير كبير وتقدر تنام هى وبناتها فيه
ودخلت تنام فى اوضة ياسر... اول مرة تنام على سريره ... قبل ماتنام كانت بتلمس مكانه وكانها بتلمسه واول ماحطت راسها على المخدة بتاعته كانت حاسة وكانها فى حضنه فاستسلمت لاحساسها وغمضت عينيها ونامت... صحيت فجأة على صوت خبط على الباب... هى مش عارفة فات وقت قد ايه؟؟ بتبص فى الساعة لقيتها 5 الصبح هو احيانا ياسر بييجى الوقت ده بس مش بيخبط... قامت تشوف قابلتها جيهان على باب الاوضة


"لو جلال اوعى تقولى انى هنا... ارجوكى"

"حاضر ...متخافيش ... اقفلى عليكى الاوضة "


فتحت وفعلا كان جلال وكان مرتبك وبصوت مخنوق


"انا اسف يامدام شيرين بس مشفتيش جيهان والبنات"

"لا... حصل حاجة"

"انا رجعت ملقيتهمش وهى متعرفش حد هنا خالص وروحت المطار دورت عليها ملقيتهاش واول طيارة لمصر طالعة العصر انا هموت من القلق عليهم... انا مش عارف اعمل ايه ابلغ البوليس ولا اعمل ايه؟؟ عموما انا اسف لازعاجك وهسأل عند كل الجيران ويارب الاقيها كويسة هى والعيال"

"ربنا يطمنك"
قفلت شيرين الباب ودخلت لجيهان
"على فكرة جلال هيتجنن عليكى... انا عايزة اقولك انى مش برتاحله... بس صعب عليا اوى... انتى مش بتحبيه؟"
"جلال مكنش كده ده احنا قصة حب كبيرة وعلشان كده كنت بتحمله.. بس زى ماحكيت لك تعبت اوى منه"
"انتى صارحتيه بكلامك ده وبعيوبه قبل كده"
"لا"
"طيب ممكن اقولك اديله فرصة واتصارحوا واتكلموا وان متغيرش يبقى انتى قرارك صح واعملى اللى انتى عايزاه"
سكتت جيهان وكان ردها كله دموع.. ففهمت شيرين انها لسه بتحبه
"انا هقوم اندهله وتتكلموا وتصفوا اموركم"
قامت شيرين وكان عمال يسأل عند الجيران شقة شقة زى المجنون
"تعالى ياجلال اطمن جيهان والبنات عندى ... جيهان عايزة تقولك كلمتين ياريت تسمعهم وتفهمهم كويس"
سابتهم قاعدين مع بعض ودخلت قعدت مع البنات لانهم كانوا صاحيين... وبعد نص ساعة دخلتلها جيهان
"انا اتكلمت معاه وقلت له كل اللى كان جوايا وبان عليه الندم وقالى هو عرف قيمتنا وقد ايه بيحبنا لما ملقناش موجودين... انا مش عارفة اشكرك ازاى انتى انقذتى بيتى من الخراب...ربنا يكرمك يارب ويرزقكم بالذرية الصالحة"
سلمت عليها جيهان وباستها وخدت البنات وشنطتها وروحت
كانت سعيدة جدا انها صالحتهم وحست انها عملت حاجة كبيرة وحلوة اوى... ياه ده الحب حلو اوى حتى بمشاكله ... وفكرت فى الدعوة اللى دعتها جيهان... الذرية الصالحة... ياترى هييجى اليوم اللى تتجوز وتخلف... وياسلام لو اتجوزت واحد طيب وحنين زى ياسر... وحد زيه ليه..ماهى فعلا متجوزة ياسر... وياترى احساسها ناحيته ده ايه؟؟ اخوة ...صداقة... حب!!!!
معقول تكون بتحب ياسر رغم كل الفروق...لالالا مش معقول طبعا
حاولت تنام بس ملحقتش قامت وبدأت تلبس وتستعد للنزول... قبل ماتنزل بشوية الباب خبط ...ميعاد رجوع ياسر..طيب ليه مفتحش
راحت تفتح الباب لقيت جلال
"انا استغليت ان جيهان نايمة وقلت اجى اشكرك على استضافتك... والليلة اللى غيرت حياتى انا مش لاقى كلام اقولهولك يعبر لك عن احساسى... متشكر جدا"
"بتشكرنى على ايه بس... انا اللى سعيدة جدا بالحب اللى شفته ويارب يفضل الحب ده موجود طول العمر"
كان ياسر طالع على السلم فى اللحظة اللى فتحت فيها شيرين الباب لجلال ووقف يسمع الحوار اللى دار بينهم... وكان مصدوم من اللى سمعه ومش مصدق ودانه... معقول فيه علاقة بين جلال وشيرين!!

للكاتبة دينا عماد
مع السلامة

الموضوع الأصلي : الحلقة السادسة عشر من قصة تحت سقف واحد // المصدر : منتدي الست مفيدة // الكاتب: dody x dina
الإثنين سبتمبر 17, 2012 8:18 am
المشاركة رقم: #
مفيدة جميلة
مفيدة جميلة
بوسى كات
إحصائية العضو

الجنس : انثى
العمل : سيدة اعمال
رقم العضوية : 31
تاريخ التسجيل : 12/05/2012
عدد المساهمات : 102
نقاط النشاط : 24917

مُساهمةموضوع: رد: الحلقة السادسة عشر من قصة تحت سقف واحد


بارك الله فيكى
حلقة رائغه






توقيع : بوسى كات






الإشارات المرجعية


التعليق على الموضوع بواسطة الفيس بوك

الــرد الســـريـع
..


مواضيع ذات صلة


تعليمات المشاركة
صلاحيات هذا المنتدى:
لاتستطيع الرد على المواضيع في هذا المنتدى

BB code is متاحة
كود [IMG] متاحة
كود HTML معطلة


اقسام المنتدى
  من نحن @ الرشربات(الحساء) @ السلاطات والمقبلات @ الارز والمكرونات @ المعجنات والمخبوزات @ من  كل بلد أكله @ الحلويات الشرقية والغربية @ اطباق صحية وللرجيم @ اكلات للنباتين @ أطباق للاطفال @ وصفة على طرقتى الخاصة @ وصفات جدتى @ مفيدة موفرة وشطرة @ الأطباق الرئيسية @ اطباق سريعة التجهيز@ مشروبات وعصائر@ مدرسة الطبخ @ فيس بوك @ العناية المنزلية @ تنظيف المنزل @ ديكورات منزلية @ الخياطة والتريكو @ الأعمال اليدوية @ مول الست مفيدة @ العناية والجمال @ العناية بالبشرة @ العناية بالشعر @ العناية بالجسم @ مستحضرات تجميل واكسسورات @ ملابس محجبات @ لانجيرى وملابس البيت @ ملابس اطفال @ ركن العرايس @ ملتقى القسمه والنصيب @ فساتين وطرح العروسة @ نصائح وخبرات للعروسة @ ركن المراة الخاص @ شئون نسائية @ العيادة المتكاملة @ همسات زوجية @ بريد القلب @ شئون أسرية ورعاية الاطفال @ بنات تحت العشرين @ زوى الاحتياجات الخاصة @ فن الاتيكيت @ تنمية بشرية ومهارات @ واحة رمضان @ الحج والعمرة @ القرآن والحديث النبوى @ فقة المرآة المسلمة @ الصوتيات و المرئيات الأسلامية @ تفسير الأحلام @ تجهيزات العروسة @ الركن الثقافى والترفيهى @ المنتدى التعليمى @ العلم والمعرفة @ السياحة والسفر @ عجائب وطرائف @ ضحك ولعب وتسلية @ قسم الصور @ الركن التكنولوجى @ الموبيلات @ الكمبيوتر والأنترنت @ دليل المواقع الحكومية @ العاب بنات @ الترحيب - التهانى -الأهدائات - العزاء @ ركن العضوات الخاص @ كلام ستات @ الدردشة @ الاستفسارات @ الموضوعات المكررة @ اراء- اقترحات - شكاوى الأعضاء @ كيفية التعامل مع الموقع @ حل مشاكل التسجيل بالموقع @ سياسة الخصوصيه@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@ اسم القسم@
سحابة الكلمات الدلالية
بالصور العلاقة تعرفي طريقة تعرفى الست اللحم فساتين مفيدة رمضان أفضل تنظيف البيت الصف الغذائية البطاطس الشعر اللحوم نصائح الجنسية كيفية المرأة الدجاج الرجل فوائد بانوعها
جميع الحقوق محفوظة لموقع الست مفيدة يحظر نقل او نسخ اي اجزاء من الموقع الا بإذن الكتروني من ادارة الموقع
،All Copyright Reseved For elseetmofeeda.com © 2018-2019
Flag Counter