home الرئيسيةpeople_outline الأعضاء vpn_key دخول
chatالمواضيع الأخيرة
بعض أساسيات فن الخياطة بالصورaccess_timeالأحد سبتمبر 19, 2021 1:57 ampersonشيماء محسن
اطلب فني صيانة بكل سهولةaccess_timeالثلاثاء سبتمبر 07, 2021 12:18 pmpersonrania hammad
مكافحة حشرات بالرياضaccess_timeالثلاثاء سبتمبر 07, 2021 11:40 ampersonrania hammad

طريقة عرض الأقسام

لونك المفضل

تعالـــــــــوا شوفوا سر شطـــارتي


ام عـــمـــر
مشاركة

نظافة البيت اهم شىء فى حياه اى زوجة وام وكتير من الستات الى بتهمل دا وطبعا كل الى حواليها بيقرف منها واولهم زوجها واولادها وحتى لو بيحرج يقول لها فى وشها لكن لازم كل واحدة تعرف وتتاكد ان لكل راجل عين واذن وبيشوف وبيسمع وبيقارن وكل واحدة لازم تتاكد ان الرجالة برضوا بيتكلموا وبيقولوا لبعض كل شىء زى الستات بالظبط ولو واحد متجوز واحدة من اياهم ياقلب امه يقعد ويتحسر وينعى بخته ويقول ليه يارب زوجتى غير زوجة فلان وعلان وعلشان كدا وعلشان حبايبي اللى عارفة انهم شاطرين ومتاكدة من نظافتهم ويستحيل تكون في مفيده كدا وانا ازعل عليها حتى لو كان دا حال زوجها لانها اولا واخيرا اخت ليا فى الأسلام فقلت لازم افيدكم حبايبى بشويه حاجات بتضمن ليكى نظافة بيتك وبتخليه دايما نظيف لانها بتدى انطباع عنك وعن حياتك وممكن متكونيش بتاخدى بالك منها لاكن حبيت اقولكم عليها لانها عنوان نظافة اى ست

اولا كتير من الستات بتنظف وتضيع وقت كتير فى النظافة وبتهمل حاجة مهمه جدا

1 ـ التزعيف بالزعافة يعنى بتهتم بتحت وتنسى خالص السقف وتيجى تولع النور نلاقى العنكبوت والتراب فى السقف وعلى النجف وعلشان كدا انا عندى اساسى فى حياتى ( فوطتى حبيبى دايما فى ايدى ) وعلى طول كل مابدا نظافة لازم انفض السقف والحيطان
2 ـ باسكيت الزباله يستحيل يبات لتانى يوم بيترمى كيسه اول بااول وعلشان اريح دماغى باستخدم كيس صغير مش الحجم الكبير علشان مستناش لمى يتملى وكمان حاجة مهمه اكياس اللبن والفول والأكياس الصغيرة بلم فيها كل الحجات الزبالة السايلة واربطها كويس علشان متخرش ماء
والأهم منكدا جايبه كيس كبير بلبسه للباسكيت الزباله واردخل الكيس بتاعى جواه علشان باسكيت يبقى دايما نظيف وبغيرة كل فترة وبخلعى بلاقى الباسكيت زى الفل
3 ـ التنشيف فى المطبخ بنشف اى شىء حتى الملاعق الشول ومش ممكن ابدا اضع حاجة فيها ماء حتى لو مستعجله فدايما عاملة فوطة بفرشها على الرخامة وبغسل واسيب عليها المواعين بعد ما تتصفى وتتنشف جدا وبعدين برتبها فى الأدراج
4 ـ بالنسبه للسيراميك بعمل ديما حته صوف وبلفها على المساحه وببلها بجنرال بريحه الأفندر وبمسح المطبخ والحمام من فوق لحد تحت ومش عايزة اقول لكم على الصوف فى السيراميك بيخليه ازاى
5 ـ زجاجة الديتول والكلور فى ايدى ديما فى الحمام والمطبخ وكل ما حد بيدخل الحمام فيش فيش والفوطة وبيبقى فلة والمطبخ نفس النظام حتى لو غسلت طبق واحد
6 ـ السجاد ديما بالمكنسه الكهرباء قبل الغسيل وبعدين عندى فرشه خشنه بكنسه وبتلم الشعر والوبر والفتل وبعدين بنقعة فى ماء بالكلوركس والفيبا الصابون السائل وبسيبه ساعة زبعدين بدعكة بالمكنسه الخشنه وبعدين الفرشاه واخر حاجة بشطفة بالمساحة ومش عايزة اقولكم بيبقة فلة واخر شطفة بحطله غطاء داونى وبيبقى ريحتة تحفه وزى الفل ولو عيزاه ينعم يبقى زى الجديد حطى فى الشطفة الأخيرة كمفورت بتاع الملابس بيرجعة اكنك لسه شرياه وبعدين بمشطة بفرشاه شعر السجادة والشراشبب بتتسرح بالفرشاه والله اكنك لسه شرياها جديد وبتبان عليها النظافة

لسه فى حاجات كتير

تعاليق

ام عـــمـــر
ام عـــمـــر
نكمل يا قمرات

6 ـ اهم شىء بقى عايزة ااكد عليه وهو بالنسبه للبوتاجاز والمواسير الغاز واى شىء معدن وكمان شباك المطبخ انا مغطياهم بورق المونيوم وحتى اجناب البوتاجاز والمطبخ الخشب وبغيرة كل مدة معينه وبالشكل دا بيوفرلى كتير لآنى اكتر حاجة مش بحبها الدهون فى المطبخ

7 ـ نيجى كمان لنقطة مهمه وهى الكراكيب متخليش اى شىء ملوش لزمة فى البيت حتى لو كانت لبيسة قلم نرمى اول بااول او لو ينفع حد تانى طبعا ممكن نديهولوه

8 ـ بالنسبه لأوضة الأولاد والمعيشه انا كان عندى كوقرته قديمه ومش بستعملها طبعا فرشاها فى ارض اوضة الأطفال على السجادة وبعد اليوم ما بيخلصوا المذاكرة والبرى الأقلام والدعك وشنط المدرسه بنفضها وبخليها وبغسلها كل اسبوع وببدلها مع واحدة تانيه وغرفة المعيشه كمان

وبالنسبه للصاله انا جايباه مشمع ناعم وطرى شفاف فرشاه بطول شجادة الصالة الى قدام الباب وطبعا بتحمى الشراشيب لانهها فاتحة وبتحمى السجادة وخصوصا ايام الشتا ء وبالشكل دا يا بنات حتى فى الغسيل مش بتعب لانهم بيبقى نظاف وبيوفرولى كتير من المجهود والغسيل

9 ـ اهم حاجة فى النظافة كمان ان يكون فى كل اوضى باسكيت للقمامة وفى الحمام كمان علشان اللأطفال الصغيرين وطبعا بيبقى تحت ايديهم علشان مايبقوش ليهم حجة بدال مايرمى الكلينكس والحاجات فى اى حته

10 ـ الأهم من كل دا علشان بيتك يبقى ديما نظيف لازم تعودى اولادك من صغرهم على النظافة وبخليهم يصلحوا اللى بيبوظوا علشان يحسوا بتعبى ويعرفوا

11 ـالغسيل يا قمرات لازم يتغسل اول باول يعنى متسيبيش لما الغسيل يتكوم ولاو فيه حاجة ممكن تتغسل على ايدك وانت واقفة اغسليها متستنيش لما السبت يتملى

12 ـ مواعينك اول باول وانتى بتطبخى وبعدين ان بطلع ملعقة واحدة بعمل بيها كل الأكل وكمان مغرفة واحدة وكل مرة بغسلها علشان اتاكد انى مسيبش ذيادة ولازم اغسلها

الحلل ديما بغسلها بعد الطبيخ وافضى الأكل فى علب ثلاجة واخد على القد واسخن علشان الكل مش كل مرة اسخنه حتى لو ناويه احطة فى الثلاجة
تعالـــــــــوا شوفوا سر شطـــارتي I6M87128
السبت أغسطس 11, 2012 3:41 pm
ام عـــمـــر
ام عـــمـــر
عايزة اقول لكم سر هيخليكى مرتاحة
حاولى مهما ان كنت متعصبه تبقى هاديه وانت بتشتغلى فى البت علشان عصبيتك بتخليكى مش مركزة وبعدين بتتعب اعصابك وتخلى الأكل يتقلب على البوتجاز وتشدى وتدوسى ومتهتميش وتنسى انك بتتعبى فى البيت علشان كدا حاولى انك تكونى هاديه وتتعاملى مع اى شىء بالراحة ومش بعصبيه واستعينى بالله واصبرى سواء ان كان اولاد او زوج

حاجة تانيا مهمه الحاجة لو عملتيها صح بتفضل وبطول لاكن لو عجتيها واستعجلتى فيها بتلاقى نفسك تانى يوم عايزة تعمليها تانى
كمثال عارفة من كام يوم ابنى بيلعب وبيجرى وانا مطبقة غسيل وهو بيجرى من اخته طلع ووقع الرصة الرصة وقعت زى ماهى عارفة ليه علشان انا بطبق الغسيل بفردة بايدى اكنى كوياه وبخلى التطبيقة صغيرة وبتكى عليها جامد وعلشان كدا رصة الغسيل لو وقعت مبتتفكش من بعضها وبتنزل زى ماهى

وقيسى عليها حاجات كتير يعنى المطبخ لو قلبتيه وعملتيه بضمير وكل يوم تعيدى على خفيف هيفضل على طول نضيف ومش هيحتاج وقت زى لو كنت سيباه بقالك فترة


والحمام وما ادراك ما الحمام اساس اى بيت وعنوان نظافتك عارفة الحمام عيزاه على طول نظيف نشيفيه وافرشيه وساعة الحمام لو معندكيش بانيو شيلى السجادة وخلصى وادعكيه بالكلور والديتول وونشفيه وافرشيه وافرشى فيه مفارش وسجادة او مشايه فى الأرض وفوقيها طقم الحمام وتصدقى عندى جارتى بتقولى كل ماتدخل حمامى تقولى تعالى ناخد الشاى فيه من جمالة ونظافته وتقولى انت على طول فرشاه ومعلمه اولادى ميكبوش نقطة ماء على الفرش زكل اسبوع بغسل الفرش بتاعة واغيرر المفارش وعلى طول جميل تحسى انه غرفة مش حمام
السبت أغسطس 11, 2012 3:44 pm
الست مفيدة
الست مفيدة
:)
بسم الله مشاء الله
دي شطاره الستات الشطره تسلمي علي مجهودك
جزاكي الله خيرا ام عمر
السبت أغسطس 11, 2012 6:26 pm
ام عـــمـــر
ام عـــمـــر
مدام مفيده كتب:
:)
بسم الله مشاء الله
دي شطاره الستات الشطره تسلمي علي مجهودك
جزاكي الله خيرا ام عمر

جزانا واياكي
استنيني بعد الفطار عشان نعمل الكحك سوا
مع حبى
السبت أغسطس 11, 2012 6:28 pm
الست مفيدة
الست مفيدة
مشي هستني
وجهز المنقيش وننقش
الكعك بموت فيه بخلصة لوحدي
ههه
تسلمي غاليتي
السبت أغسطس 11, 2012 6:47 pm
بنت مصر
بنت مصر
يا سيدى ع الجمال تسلمى يا ست الكل

تعالـــــــــوا شوفوا سر شطـــارتي Uah14413
السبت أغسطس 11, 2012 9:47 pm
avatar
مريم ام خالد
ما شاء الله اختي ام عمر تبارك الله والله اكبر الله يقوكي دايما
وانتي ومفيده ناويين تعملو كعك العيد سوى والا ايه لا ما تنسوني بصحن كعك حتى احكم عليكم واقول طيب او....... لا امزح ناس عسل اكيد بتعمل عسل حبي للجميع واحترامي
الأحد أغسطس 12, 2012 4:58 am
كريمه
كريمه
تسلمى ياعسل
الثلاثاء أغسطس 21, 2012 8:56 pm
ام عماد
ام عماد
يا سلام على شطارت الستات
الثلاثاء سبتمبر 04, 2012 9:57 am
avatar
لمار83



ما شاء الله عليكى يا ام عمر والله انا استفدت اوى من كلامك ربنا يسعدك ويخلى لك اولادك وتفرحوا دايما يا رب
الخميس أكتوبر 04, 2012 3:59 am
أميرة القصر
أميرة القصر
فى ميزان حسناتك
الأربعاء يونيو 05, 2013 12:33 pm
أم جنى
أم جنى
فعلاااااااااا شطوووووووووووووووووووووووووووره جزاكى الله خيرا
الثلاثاء أكتوبر 22, 2013 2:44 pm
ام يوسف
ام يوسف
ماشاء الله جزاكى خيرا حبيبتى
الأربعاء أغسطس 27, 2014 4:24 pm
سمسمة الجميلة
سمسمة الجميلة
شطورة خالص اللة اكبر عليكى عقبال ما اكون انا كمان من الستات الشطرين :love(:
الخميس سبتمبر 04, 2014 12:16 am
ارسال رد

هــــــام

ندعوك للتسجيل في المنتدى لتتمكن من ترك رد أو تسجيل الدخول اذا كنت من اسرة المنتدى

صلاحيات هذا المنتدى:
لاتستطيع الرد على المواضيع في هذا المنتدى