نصائح زوجية مهمه جدا


الست مفيدة
مشاركة
نصائح زوجية مهمه جدا  Photo10

لما تلاقي ان علاقتك مع #جوزك بقت مضطربة و مليانة #مشاكل..
او انك حاسة انه بيبعد و انك مبقتيش من اولوياته..
و قبل متجري علي الكوافير تقصي شعرك و تضربيه الاحمر العنابي التمام.. زي ما صاحبتك نصحتك..
او تروحي الجيم و تمشي عل دايت اللي ينزل خمناشر كيلو في الاسبوع...
"طبعا دول مشوارين مهمين مقدرش اعترض"
بس في حاجة اهم لازم نعرفها كلنا..
علفكرة مش لازم يبقي سبب نفور الزوج ان الزوجة مقصرة في حقه... لا بالعكس
ساعات تضحية الزوجة المفرطة و استمواتها انها ترضيه بيبقوا السبب..
ساعات الزوج بيطفش لما بيحس ان مراته معندهاش حاجة غيره في حياتها... مفيش اهتمامات عندها غير هيأكل ايه و هيلبس ايه و هيقعد معايا اد ايه..
ساعتها بس بيحس انها مملة..فاضية.. مفيهاش جديد.. مواضيعها مكررة..
ساعتها بس بيبدأ يدور علي حاجة #جديدة.. #مثيرة.. عندها جديد تحكيه..
انا مقلتش انه هيدور علي واحدة تشاركه اهتماماته...لا هو هيدور علي واحدة يشاركها اهتماماتها... و توريله دنيا جديدة..
طيب انتي عارفة ان كل اخصائين الاستشارات الزوجية بيدينوا تضحية الزوجة عشان عارفين ان معظم الرجالة بيعتبروا تضحية الست ... غباء و ضعف..
انتي عارفة ان دينك مقالش انك تضحي بحقوقك.. ايا كانت عشان اي حد..لا زوج و لا اولاد..
عارفة ان الراجل بيحب الست المستقلة ماديا و فكريا و اللي عارفه حقوقها و بتحافظ عليها حتي لو بين العكس..
عايزة منه اهتمام... اهتمي انتي بنفسك..
عايزاه يحبك... حبي انتي نفسك...
عايزاه يحترمك... احترمي انتي حقوقك و انوثتك و احتياجاتك..

مع السلامة


نتشرف بزيارتكم في منتدنا ومدونة الطبخ الأحترافي علي جوجل( طبخ الست مفيدة )
وشاهدوا احلي وصفات ونصائح الدبير المنزلي والعناية والجمال علي
قناة الست مفيدة علي اليوتيوب وكون اول المشتركين بالقناة ودوس علي الجرس يصلكم
اشعارات القناة
مع السلامة