home الرئيسيةpeople_outline الأعضاء vpn_key دخول
chatالمواضيع الأخيرة

طريقة عرض الأقسام

لونك المفضل

عايزه حمامك يشتكي من النظافه ؟ طريقه سهله خالص


avatar
مشاركة
 عايزه حمامك يشتكي من النظافه ؟ طريقه سهله خالص Cio_oa11

انا بحس ان الحمام والمطبخ هما اهم مكانين في البيت
وعن طريقهم تقدري تحكمي اذا كان البيت ده نظيف او لأ
وده لانهم اساس صحة الفرد
لأن نظافتهم بتدل على ان اهل البيت ده اصحاء والعكس صحيح
وأكيد طبعا كلنا بنحرص على ان حمام بيتنا يكون نظيف ومش بس نظيف لأ !
اكيد كمان كلنا عايزينه معقم وريحته حلوه وبيلمع وزي الفل
انا بشوف ناس بتقفل باب الحمام علطول علشان ريحته ماتخرجش على باقي الشقه طبعا من القاذورات و ...... بلاش اكمل !!!!!!!!!!
بصي ياستي سهلي الحكايه على نفسك
وهاتي اي بخاخه فاضيه عندك وحطي فيها الاتي :
كلوركس
ديتول
خل
كربونات الصوديوم
بريل او فيري او اي نوع
وشوية مسحوق غسيل اي نوع
وميه
وخليها جاهزه عندك علطول
وكل يوم وانتي بتنظفي الحمام (طبعا المفروض ان الحمام يتنظف كل يوم)
ترشي الخلطه دي على كل اجزاء الحمام والجدران كمان والحنفيات والدش كمان وتسيبيه حوالي ربع ساعه
وبعدين تتوكلي على الله وتدخلي على الشغل
لو عندك صدأ او بقع صعبه هتضطري تستخدمي سلك المواعين
ولو بتنظفي كل يوم هتلاق الموضوع سهل
وبعدين اشطفي الحمام كويس ولاحظي فرق اللمعان والنظافه
وبالنسبه لمراية الحمام طبعا مش هنستخدم الخلطه دي
هتستخدمي ميه وخل او الويندكس وتلمعيها كويس بفوطه قطن او بورق الجرايد
ولو الجدران بتاعتك عليها بقع وحالتها صعبه
هتجيبي جردل المسح والشرشوبه وهتحطي فيه ميه سخنه وجاز
وتلمعي بيها الجدران (لو البقع صعبه ممكن ماتطلعش من اول مره وتحتاجي تكرري العمليه دي)
واتفرجي على اللمعان والنظافه
وطبعا ماتنسيش السخان ومفاتيح النور والكهرباء
وبالنسبه للباب هتنظفيه على حسب نوع الدهان بتاعه او ممكن تستخدمي الويندكس وفوطه نظيفه
وحاولي تخلي ادوات التنظيف وسبت الغسيل في مكان مش ظاهر
وطبعا ماتخليش هدوم وغيارات ورا باب الحمام
واعرفي ان عدوك الاول في الحمام هو الميه
يعني الحمام لازم يتنشف اولا بأول لأن الرطوبه بتكون بيئه مناسبه لنمو الحشرات والجراثيم
وبكده حمامك بقى ميه ميه
ودايما جاهز لأي طوارئ او زيارات
وقبل كل ده بيكون جاهز لزوجك
ولأولادك علشان تعوديهم على النظافه والنظام من صغرهم

تعاليق

الست مفيدة
الست مفيدة
جزاكي الله خيرا
في الجمعة أغسطس 03, 2012 10:02 pm
الست مفيدة
الست مفيدة
رفع
في الجمعة يونيو 28, 2019 11:53 am
ارسال رد

هــــــام

ندعوك للتسجيل في المنتدى لتتمكن من ترك رد أو تسجيل الدخول اذا كنت من اسرة المنتدى

صلاحيات هذا المنتدى:
لاتستطيع الرد على المواضيع في هذا المنتدى