همسه اليكى


ام حبيبه
مشاركة
معلش هى طويله بس حلوه اوى #منقوووول

نفسي أنتظم على الصـلاه !!
بصلي فـرض و أفـوت فـرض !!
بنسى أصلي أو بكسـل , مش عـارف ليه بعمل كده !!
حـال نـاس كتـير أوي فـ موضوع الصـلاه , و دايماً بـلاحظ الـ بيجي ينصـح في مـوضوع الصـلاه ده , بيـرعب الـ قدامهُ ( هتروح النـار , أنت كـافر , هتتعذب في قـبرك , ربنـا غضبان عليـك , هتتشوي في جُهنم .. إلخ )
يعني الـ مش بيصلي ده مش عـارف الكلام ده !! يعني هـو جايلك تاخد بأيديه ولا تكـرهه في حيـاته أكتـر , أنت شـايفه مبسـوط من حـاله يعني ,
ده الكلام ده يخليه ييأس أكـتر و يزيد كـرهه لـ نفسـه !!
يـ الي مقصر مع ربنـا في الصـلاه , و بتـفوت فـروض كتـير , أديني من وقـتك دقيقتين بـس :
أنـت عـارف إنـك أصلاً مضـايق من إنـك مش بتصلي و عـايز تحـافظ على صـلاتك ده أكـبر دليل أنـك جـواك كـويس والله , و قلبـك حي و بيخـاف ربنـا , و لاحظهـا أنت في نـاس كتير مش بتصلي ولا هنـا , ولا بتفكـر في الموضوع أصلاً , فـ أنت قبل أي حـاجه أنت والله بخـير و جواك كويس ,
هسـألك سـؤال , هـو إحنـا بنصلي ليه ؟!!
هتقـولي علشـان ده فـرض و ربنـا قال كده , مـاشي انا معـاك ده سبب
بس عُمـرك مـا فكـرت فيهـا بـ طريقه تـانيه , ازاي , بُـص هـو لو واحـد صمم أله و الآله ديه محطـوطه في مصـنع , و هـو كُـل يوم بيجي 5 مـرات يقعد يصلح في الاله ديه و يظبط أي غلطـات فيها , و يتابعها أول بـ أول , الاله ديه هتبـوظ !! , أكيد لأ , طـب و لو باظت مين أكتـر واحد هيبقى فاهم فيها , الـ صممها صح !!
ولله المثل الاعلى ..
هـو بينـادي عليـك 5 مـرات ليه ؟ انـت فاكر صلاتك هتـزود عند ربنـا حاجه ولا عدم صلاتك هينقص من ملكهُ حـاجه , لا والله , ده هـو بيعـرضك عليه 5 مـرات علشـان يصلح فيـك , علشـان هـو لما يكـون قُدامك في الصلاه نـوره يـوصلك , فـ يطهـر روحك و قلبك و نـوره ده يعينك على الدنيا ,
ليـه تحرم نفسـك من نـوره , أيه فـ الدنيا يسـوى نـور من أنـوار ربنـا , يعني لمـا الالاذان يقـول الله أكبـر , ربنـا بيناديك بيـقولك تعالى انا عـايز أقابلك , عـايزك تُقف قُدامي , عـايز أشـوفك محتاج ايه و أعملوهلك , عايز أشـوفك ساجد بين أيديه و بتقول يـارب و أقـولك لبيك عبد , لمـا الاذان بيأذن الشيطـان بيقف قُدامك و يقولك ( يا أنا يـا ربك , يا تتسجيب لـ ندائي يا تسجيب لـ نداء ربـك ) , تخـيل كده نفسـك يوم القيـامه و أنت واقف قدام ربنـا و ربنـا جاب اللحظه ديه , لما الاذان أذن و الشيطـان وقف قدامك و قـالك يا أنا يـاربك , و أنت سمعت كلام الشيطـان , هيبقى منظـرك قدام ربنـا ايه !؟
هتـقوله ايه ساعتها , عـارف هتعمل ايه , هتقعد تعيط , لآن ربنـا هيقولك أنا كت جمبـك و مكنتش بسيبك أبداً , رزقتك الصحه علشان تقدر تصلي و غير محروم منها , رزقتـك البيت الـ تصلي فيه , رزقتك المايه الـ تتوضى بيها , و لو مفيش صحه صلى و أنت قاعد , و لو مفيش بيت صلي في أي ارض الارض كلها مسجد , و لو مفيش مايه تتوضى أتيمم , سهللتلك كـل حاجه علشـان تصلي , علشـان أقابلك , , و أنت بخلت عليه يا عبدي ,
أنت شايف مـوت الفجأه أنتشـر أزاي , و ممكن كمـان ثانيه تلاقي ملك الموت قدامك , والله ساعتها هتقول رب أرجعون , بس مش هينفع ,
بص أول مـا تسمع الاذان قو لـ نفسك يمكن ده يكـون أخر أذان أسمعه في الدنيا , و أفتكـر إن الشيطـان وقف قدامك و أتحدى نفسـه أنك مش هتصلي , و بيقولك يا أنا يا ربك , أفتكـرها و أفتكـر إن المنظـر ده هيكـون قدام ربنا يوم القيامه ,
في الاول هتبقى صعبه ,لآن الشيطان مش هيرحمك و هيقرفك , بس لازم تجـاهد نفسـك والله والله ليك ثـواب كبير على جهـاد النفس و أدعي ربنـا كتير أوي بالثبـات , و كل ما تصلي فـرض أسجد سجدة شكـر بعدها أن ربنـا وفقك و صـليت , و حـاول حـاول , و أستغفـر كتـير أوي , بنيـة إن ربنـا يفتح عليـك في الصـلاه , و كُـل ما تحس انك بدأت تسيب الفـروض تـاني ,
أستغفـر ربنـا , و أفتكـر إنك بتفوت ( مُقابلة حبيبك علشـان ترضى عدوك ) , إفتكـر إن الملايكـة سحدت ليك علشان أنت كـبير عنده , و إن الكون أتخلق علشـانك علشـان انت كبير عنده , و إن الجنـه أتعملت علشـانك علشـان أنت كبير عنده , و أن بغفـرلك أي ذنب مهما كـان علشـان أنت كبير عنده ,
فـ عـيب عليـك ميكـونش هـو كمـان كبير عندك
مع حبى مع حبى مع حبى


همسه اليكى 2192m1z